Արցախում տեղակայված ռուս խաղաղապահների համար նախատեսված շարժական ավանները շահագործման կհանձնվեն ապրիլի 5-ից ոչ ուշ, բացի այդ զորախմբի համար շարժական հիվանդանոց կբացվի արդեն ապրիլի վերջին: Այս մասին լրագրողներին ասել է ՌԴ Պաշտպանության փոխնախարար Դմիտրի Բուլգակովը:
Բուլգակովը Ստեփանակերտում մասնակցել է խաղաղապահների համար 250 տեղանոց բլոկ-մոդուլային ավանի բացման և բնակեցման արարողությանը:
«Ավարտում ենք 25 նման ավանի կահավորումը, ընթացքի մեջ է հանձման և բնակեցման գործընթացը: Ամեն ինչ շահագործման կհանձնվի ոչ ուշ, քան ապրիլի 5-ը, այսինքն՝ մեր բոլոր խաղաղապահները կտեղավորվեն», – ասել է բանակի գեներալը:
