Շիրակի մարզպետ Մուշեղ Մուրադյանն աշխատանքային այցով եղել է Անի համայնքում, համայնքի ղեկավար Արման Սարիբեկյանի ուղեկցությամբ մարզպետը հետևել է համայնքում իրականացվող մի շարք շինարարական աշխատանքների ընթացքին, մասնավորապես, փողոցաշինական աշխատանքներին, կահավորմանն ու գծանշումներին։
Մարզպետը հետևել է նաև Հ-75, Մ-9-Իսահակյան-Գյումրի-Մ-7 հանրապետական նշանակության ավտոմոբիլային ճանապարհի շինաշխատանքների ընթացքին։ Կանգառ է իրականացվել ճանապարհի կմ 32+000 հատվածում (Անի համայնքի Բագրավան բնակավայրի հատված)։
Հ-75, Մ-9-Իսահակյան-Գյումրի-Մ-7 հանրապետական նշանակության ավտոմոբիլային ճանապարհի կմ 23+250 – կմ 37+500 և կմ 45+300 – կմ 60+200 հատվածի հիմնանորոգման համար (շուրջ 23.5 կմ երկարությամբ մարզի տարածք) ՀՀ կառավարությունը նախատեսել է 3 մլրդ 847 մլն դրամ։
Ճաանապարհի հիմնանորոգման աշխատանքները սկսվել են 2022 թվականին։ Իրականացվում են հին ճանապարահի գոյություն ունեցող ծածկի քանդման, հեռացման, նոր հիմքերի տեղադրման աշխատանքներ։ Շինարարը «Եվրոասֆալտ» ՍՊԸ-ն է։
Մուշեղ Մուրադյանը Անի այցի շրջանակում հանդիպել է նաև 44 օրյա պատերազմում զոհված Հրաչ Մահտեսյանի մորը` Ալմաստ Հարությունյանին, լսել նրա մտահոգություններն ու վստահեցրել, որ բոլոր նախաձեռնություններում, հնարավորությունների սահմաններում, կաջակցի հերոսի ընտանիքին։
