Հունիսի 26-ին ՌԴ պաշտպանության նախարար Սերգեյ Շոյգուն այցելել է Ուկրաինայում ռուսական բանակի հրամանատարական կետեր։ Այս մասին հայտնում է ՌԴ ՊՆ մամուլի ծառայությունը։ Թե կոնկրետ որտեղ է եղել Շոյգուն՝ չի նշվում։
Հաղորդվում է, որ հրամանատարական կետերում Շոյգուն լսել է հրամանատարների զեկույցները ստեղծված իրավիճակի և հիմնական օպերատիվ տարածքներում ՌԴ ԶՈւ գործողությունների վերաբերյալ։
Շոյգուն նաև պարգևներ է հանձնել՝ «Ոսկե աստղ» և Արիության շքանշան ռուս մարտիկներին, ովքեր «սխրանք և անձնվիրություն են ցուցաբերել մարտական առաջադրանքները կատարելիս»։
Թեպետ Շոյգուի ժամանման ստույգ վայրը հայտնի չէ, սակայն ռուսական լրատվամիջոցները վստահ են, որ «մանրահատակի մարշալը» ժամանել է Դոնբասի օկուպացված տարածքներ, գրում են ուկրաինական զլմ-ները, հիշեցնելով, որ մայիսին չհաստատված տեղեկություններ կային, որ Խարկովի մարզի Իզյումի մոտ վիրավորվել է ՌԴ ԶՈՒ գլխավոր շտաբի պետ Վալերի Գերասիմովը։
