Ուկրաինա Ռուսաստանի լայնամասշտաբ ներխուժման սկզբից ի վեր մահացել է 121 երեխա, 167 երեխա ստացել է տարբեր ծանրության վնասվածքներ: Այս մասին հաղորդում է Ուկրաինայի գլխավոր դատախազության մամուլի ծառայությունը։
«Երեխաների հիմնական մասը տուժել է Կիևում՝ 61, Խարկովում՝ 41, Դոնեցկում՝ 40, Չեռնիգովում՝ 32, Նիկոլաևում՝ 24, մայրաքաղաքում՝ 16, Ժիտոմիրում՝ 15, Խերսոնում՝ 15 և Սումում՝ 14 մարզերում»,- ասվում է զեկույցում։
Դատախազության տվյալներով՝ ամենօրյա ռմբակոծությունների ու գնդակոծությունների հետեւանհքով տուժել է 548 ուսումնական հաստատություն, որոնցից 72-ն ամբողջությամբ ավերվել է։
«Ամենածանր իրավիճակը Դոնեցկի, Խարկովի, Նիկոլաևի, Սումիի, Կիևի, Խերսոնի, Չեռնիգովի շրջաններում է։ Բացի այդ, հակառակորդի կրակից տուժել են ավելի քան 40 մանկական հաստատություններ, այդ թվում՝ բուժհաստատություններ, արվեստի դպրոցներ, մարզական օբյեկտներ, գրադարաններ։
Դատախազությունը հավելել է, որ այս տվյալները վերջնական չեն, քանի որ ակտիվ ռազմական գործողությունների և ժամանակավոր գրավյալ տարածքներում հրթիռակոծման վայրերը ստուգելու հնարավորություն չկա։
