Մեծ Բրիտանիան մտադիր է Ուկրաինային փոխանցել եւս 6000 զինատեսակ, այդ թվում՝ հակատանկային հրթիռներ։ Այս մասին ասված է վարչապետ Բորիս Ջոնսոնի գրասենյակի տարածած հաղորդագրությունում: «Մեծ Բրիտանիան իր դաշնակիցների հետ կավելացնի ռազմական և տնտեսական աջակցությունն Ուկրաինային ասել է Ջոնսոնը:
Իսկ Ռուսաստանի Դաշնության ԶՈՒ Սու-34 ռմբակոծիչների հարվածներից Ուկրաինայի զինված ուժերի զենքերով և զինտեխնիկայով պահեստների ոչնչացման կադրեր։ Ճշգրիտ հարված է հասցվել զինտեխնիկայի, զրահատեխնիկայի կայանատեղիներին, զինամթերքի պահեստներին:
ՄԱԿ-ը զեկույց է հրապարակել Ուկրաինայում հումանիտար իրավիճակի վերաբերյալ։ Ըստ զեկույցի Ուկրաինայում զոհվել է 953 խաղաղ բնակիչ, 1557-ը՝ վիրավորվել։ Փախստականների թիվը գերազանցել է 3,5 միլիոնը: Փախստականների և հարկադիր տեղահանվածների ընդհանուր թիվը կազմում է Ուկրաինայի ամբողջ բնակչության գրեթե մեկ քառորդը։
Ուկրաինայի օկուպացված քաղաքներում շարունակվում են հակառուսական ցույցերը, որոնք ռուս զինվորականները ցրում են կրակոցներով։ Այս մասին հայտնում է «Ազատություն» ռադիոկայանի ռուսական ծառայությունը:
Խարկովի քաղաքապետ Իգոր Տերեխովը հայտնել է, որ ռուսական ներխուժման սկզբից ի վեր քաղաքում ավերվել է 998 բնակելի շենք։
«Ռոսավիացիան» մինչև ապրիլի 1-ը երկարաձգում է թռիչքների արգելքը Ռուսաստանի Դաշնության հարավում և կենտրոնական մասում գտնվող մի քանի օդանավակայաններ: Ռուսական ավիաընկերություններին խորհուրդ է տրվում ուղևորներին փակ օդանավակայաններ փոխադրել այլընտրանքային երթուղիներով: