Կառավարության նիստի ժամանակ առողջապահության նախարար Անահիտ Ավանեսյանն ասել է, որ Կովաքսի հարթակում բանակցությունները շարունակվում են, որոշակի ընդհանուր դանդաղում կա պրոցեսների, բայց այլ երկրների գործընկերների հետ փորձում են ճնշում բանեցնել, որպեսզի զարգացող երկրների հասանելիությունն ապահովվի։ Նախարարը նշել է, որ հույս ունեն գարնան ընթացքում պատվաստանյութի առաջին խմբաքանակը ձեռք բերել։
«Ռուսական կողմի հետ էլ բանակցություններն ավարտված են՝ առաջին խմբաքանակի հետ կապված, պայմանագիրը կնքման փուլում է։ Ակնկալում ենք առաջին ամսվա մեջ նաև այս խմբաքանակի ներկրումը»,- ասել է նախարարը։
Ըստ նրա՝ պատվաստանյութերի ներմուծման ու պատվաստման գործընթացին զուգահեռ պետք է պահպանել դիմակների կրումը։
