Ռուսաստանի Խաղաղօվկիանոսյան նավատորմի հրամանատար, ծովակալ Սերգեյ Ավակյանցը նշանակվել է նոր պաշտոնում՝ ռազմամարզական պատրաստության և հայրենասիրական դաստիարակության կենտրոնների համակարգող շտաբի պետ։ Այս մասին հայտարարել է ՌԴ փոխվարչապետ, Հեռավորարևելյան դաշնային օկրուգում նախագահի բանագնաց Յուրի Տրուտնևը, գրում է rbc.ru-ն։
Ավակյանցի հրաժարականի մասին հայտնի դարձավ Խաղաղօվկիանոսյան նավատորմի անսպասելի ստուգման մասին ՌԴ պաշտպանության նախարարի հայտարարությունից մեկ շաբաթ անց։
Սերգեյ Ավակյանցը Խաղաղօվկիանոսյան նավատորմի հրամանատար է նշանակվել 2012 թվականի մայիսին։ Մինչ այդ նա աշխատել է Հյուսիսային նավատորմի շտաբում և որպես Խաղաղօվկիանոսյան նավատորմի հրամանատարի առաջին տեղակալ։ Ծովակալի զինվորական կոչումը նրան շնորհվել է 2014 թվականի դեկտեմբերին։ Պարգևատրվել է «Ծովային ծառայությունների համար», «ԽՍՀՄ զինված ուժերում հայրենիքին ծառայելու համար» III աստիճանի, «Մարտական ծառայության համար» և «Հայրենիքին մատուցած ծառայությունների համար» II աստիճանի շքանշաններով։