Այսօր ՀՀ վարչապետ Նիկոլ Փաշինյանի մասնակցությամբ Տավուշի մարզում ևս տրվել է Պարեկային ծառայության ստորաբաժանման աշխատանքի մեկնարկը:
Միջոցառմանը ներկա են եղել ՆԳ նախարար Վահե Ղազարյանը, Տավուշի մարզպետ Հայկ Ղալումյանը եւ այլ պաշտոնատար անձինք։
Վարչապետն իր խոսքում բարի երթ է մաղթել պարեկներին և իր խոսքում նշել, որ ոչ մի պարագայում կաշառք չվերցնեն, որովհետև կոռուպցիան է, որ քայքայում է պետության հիմքերը։ Նա նաև շեշտել է, որ իրավազանց քաղաքացուն կարգի հրավիրելով կամ նրա նկատմամբ վարչական տույժ կիրառելով, պարեկները գիտակցեն, որ ոչ թե վատություն, այլ լավություն են անում հասարակությանն ու տվյալ քաղաքացուն։
«Պարեկային ծառայության մուտքով ինչպես Տավուշի, այնպես էլ մյուս մարզերում, քաղաքացի-պետություն, քաղաքացի-ոստիկան հարաբերությունների նոր մակարդակ ենք ունենալու»,-վստահություն է հայտնել վարչապետը:
