«ՏԱՍՍ» գործակալությունը՝ հղում անելով ՌԴ օդային տրանսպորտի դաշնային գործակալությանը հայտնում է, Ռուսաստանը չեղարկել է օդային հաղորդակցության սահմանափակումները ևս ութ երկրի համար: Դրանց թվում է նաև Հայաստանը:
COVID-19-ի սահմանափակումները չեն գործի նաև Ղազախստանի, Ղրղզստանի, Տաջիկստանի, Թուրքմենստանի, Ուզբեկստանի, Ադրբեջանի և Իրանի կանոնավոր ու անկանոն չվերթների համար:
Ավելի վաղ ամբողջությամբ հանվել էին դեպի Բելառուս, Դոմինիկյան Հանրապետություն, Եգիպտոս, Արաբական Միացյալ Էմիրություններ, Թուրքիա, Ֆինլանդիա, Չեխիա, Շվեյցարիա, Հարավային Կորեա և Կուբա թռիչքների սահմանափակումները։
