Երկուշաբթի առաջին անգամ Ռուսաստանն Ուկրաինային է հանձնել միայն կանանց, առավելապես զինծառայողներին։
«Գերիների հերթական լայնածավալ փոխանակումն այսօր հաջողվել է իրականացնել։ Մենք գերությունից ազատել ենք 108 կնոջ», – Twitter – ի իր էջում հայտնել է նախագահի գրասենյակի ղեկավար Անդրեյ Երմակը։ Երմակի խոսքով՝ նրանք 11 սպաներ են, 85-ը ՝ շարքային և սերժանտներ և 12 քաղաքացիական անձինք, ընդ որում, նրանցից 37-ը «Ազովստալիից» տարհանվածներ են։ Ամենաավագը 62 տարեկան է, ամենաերիտասարդը՝ 21։
Իր հերթին ՌԴ պաշտպանության նախարարությունը հայտնել է, որ բանակցությունների արդյունքում Կիևը նրանց է փոխանցել 110 ռուս քաղաքացիների, որոնց թվում 72 ռուս նավաստիներ՝ քաղաքացիական նավերից:
Ուկրաինա է վերադարձել 110 կանանցից 108-ը, ինչպես նախապես ենթադրվում էր, քանի որ «երկու ուկրաինացի կանայք փոխանակումից առաջ կամավոր հրաժարվել են վերադառնալ Ուկրաինա՝ ցանկանալով մնալ Ռուսաստանի Դաշնությունում»,- հայտնել են ՌԴ Պաշտպանության նախարարությունում:
