Ազգային ժողով-կառավարություն հարց ու պատասխանի ժամանակ վարչապետ Նիկոլ Փաշինյանը հայտարարեց, որ օրակարգում շարունակում է մնալ սահմանադրական փոփոխությունների հարցը։
«Հանրապետության նախագահի հետ հանդիպումները կրել են և կրում են պարբերական բնույթ, դրանք պետք է շարունակվեն։ Ասել եմ նաև, որ իրավիճակի վերլուծության և հայտնի հանգամանքների բերումով մեր օրակարգում եղել է և շարունակում է մնալ սահմանադրական փոփոխությունների հարցը։ Այլ բան, որ դրա կոնկրետ պարամետրերը և բովանդակությունը պետք է քննարկել ու փորձել գալ համաձայնությունների»,- ասաց Փաշինյանը։
