Սահմանադրական դատարանը հունիսի 20-ին կայացած արտահերթ խորհրդարանական ընտրությունների արդյունքները վիճարկող 4 քաղաքական ուժերի դիմումները կքննարկի հուլիսի 9-ին։
Հաշվի առնելով, որ «Հայաստան» և «Պատիվ ունեմ» դաշինքների, «Զարթոնք» և «Հայոց հայրենիք» կուսակցությունների դիմումները վերաբերում են նույն հարցին Սահմանադրական դատարանը որոշել է միավորել ընտրությունների արդյունքները վիճարկելու վերաբերյալ քաղաքական ուժերի դիմումները: Բոլոր դիմումները միավորված կքննվեն նույն նիստում: Գործով զեկուցող է նշանակվել ՍԴ դատավոր Էդգար Շաթիրյանը:
Միավորված գործի դատաքննությունն անցկացվելու է բանավոր ընթացակարգով:
Հիշեցնենք, որ «Հայաստան» դաշինքը, «Պատիվ ունեմ» դաշինքը, «Զարթոնք» կուսակցությունը և «Հայոց հայրենիք» կուսակցությունը հունիսի 20-ին կայացած աևրտահերթ խորհրդարանական ընտրությունների արդյունքները վիճարկող դիմումներ են ներկայացրել ՍԴ հուլիսի 2-ին:
