Տարադրամի փոխանակման կետի աշխատակցի նկատմամբ ավազակություն կատարելու կասկածանքով ձերբակալվել է 27-ամյա երիտասարդ

ՀՀ քննչական կոմիտեի Երևան քաղաքի քննչական վարչության Ավան և Նոր Նորք վարչական շրջանների քննչական բաժնում ՀՀ քրեական օրենսգրքի 175-րդ հոդվածի 3-րդ մասի 1-ին կետի և 235-րդ հոդվածի 1-ին մասի հատկանիշներով հարուցված քրեական գործի շրջանակներում կատարված բազմակողմանի քննության արդյունքում բացահայտվել է տարադրամի փոխանակման կետի աշխատակցի նկատմամբ ավազակություն կատարելու դեպքը:

Ավելի վաղ տեղեկացրել էինք, որ 2022թ. հունիսի 12֊ին՝ ժամը 22:50-ի սահմաններում, դիմակավորված անձը, նռնակով զինված, առանձնապես խոշոր չափերի գույք հափշտակելու դիտավորությամբ, մուտք էր գործել առևտրի կենտրոնում գործող տարադրամի փոխանակման կետ, քաշել նռնակի օղակը, աշխատակցի կյանքի ու առողջության համար վտանգավոր բռնություն գործադրելու սպառնալիքով հափշտակել տարադրամի փոխանակման կետում առկա 4.400.000 ՀՀ դրամ կանխիկ գումարը և դիմել փախուստի:

Նախաքննության ընթացքում կատարված քննչական և դատավարական այլ անհրաժեշտ գործողությունների, ինչպես նաև ձեռնարկված օպերատիվ-հետախուզական միջոցառումների արդյունքում պարզվել է ենթադրյալ հանցագործությունը կատարած անձի ինքնությունը, ով Երևան քաղաքի 27-ամյա բնակիչ է:

Վերջինս ձերբակալվել է՝ հիշյալ հանցագործությունը կատարելու կասկածանքով:

Նախաքննությունը շարունակվում է:

Total
0
Shares
Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Նախորդը

ՊԵԿ նախագահն աշխատանքային այցով եղել է Մեղրիի  մաքսային կետ-բաժնում

Հաջորդը

Արցախի ԱԱԾ-ն՝ օտարերկրացիների այցերի մասին

Առնչվող նյութեր
Դիտել

Պարեկային ծառայության մուտքով քաղաքացի-ոստիկան հարաբերությունների նոր մակարդակ ենք ունենալու․ Փաշինյան

Այսօր ՀՀ վարչապետ Նիկոլ Փաշինյանի մասնակցությամբ Տավուշի մարզում ևս տրվել է Պարեկային ծառայության ստորաբաժանման աշխատանքի մեկնարկը: Միջոցառմանը ներկա…
Դիտել

ՄԻՊ-ի անդրադարձ «Ֆիզգարադոկ»-ի ակցիայի հետ կապված իրադարձություններին

«Ֆիզգարադոկ»-ի ակցիայի հետ կապված ՀՀ մարդու իրավունքների պաշտպանի աշխատակազմի կատարած աշխատանքների վերաբերյալ հաղորդագրություն. «Օգոստոսի 21-ին ՀՀ մարդու իրավունքների…

Հետևեք մեզ Instagram-ում

Հավանեք մեր Facebook էջը

Բաժանորդագրվեք մեր Youtube ալիքին

Total
0
Share