Ազգային ժողովի արտահերթ նիստի ընթացքում ՀՀ վարչապետի պաշտոնակատար Նիկոլ Փաշինյանը նշեց, որ մայիսի 13-ին պայմանավորվածություն էր ձեռքբերվել, որ ադրբեջանցիները կվերադառնան ելման դիրքեր, սակայն պայմանավորվածությունը մասամբ է կատարվել։
Ըստ Փաշինյանի այդ պատճառով էր, որ մայիսի 13-ին Հայաստանը չէր դիմել Ռուսաստանին գործարկելու համատեղ պայմանագիրը։
Նիկոլ Փաշինյանն ասաց, որ այն բանից հետո, երբ Ադրբեջանը ոչ բոլոր հատվածներում է ետ գնացել՝ նամակ է ուղարկել ՌԴ նախագահ Վլադիմիր Պուտինին, որպեսզի Ռուսաստանը նաև ռազմական օգնություն ցուցաբերի Հայաստանին՝ 1997թ-ի Բարեկամության, համագործակցության և փոխօգնության մասին պայմանագրի համաձայն:
