Երևանի ավագանու Իմ քայլը խմբակցության ՔՊ անդամներն այսօր չեն ներկայացել Երևանի ավագանու նիստին, որպեսզի քվորումից բացակայության պատճառով այն չկայանա։
Երևանի քաղաքապետ Հայկ Մարությանը նիստի սկզբում հայտնեց, որ քվորում չկա և կես ժամ ընդմիջում հայտարարեց։
Ընդմիջումից հետո ավագանու ՔՊ անդամները կրկին չներկայացան նիստին։ Երեւանի ավագանու նիստը քվորումի բացակայության պատճառով չկայացավ։
Հայկ Մարությանը հայտարարեց, որ իր հրաժարականի հետ կապված բոլոր հարցերի պատասխանը կտա վաղը։
Հիշեցնենք, որ վաղը տեղի է ունենալու ավագանու արտահերթ նիստ, որի օրակարգում է Հայկ Մարությանի հրաժարականի եւ Երեւանի նոր քաղաքապետի ընտրության հարցը։