Երևանի քաղաքապետն ընտրված է կոնկրետ ժամկետներում պաշտոնավարելու տրամաբանությամբ։ Այդ ժամկետը դեռևս չի ավարտվել: ԱԺ ճեպազրույցների ժամանակ անդրադառնալով Երեւանի քաղաքապետ Հայկ Մարությանին փոխարինելու մասին հարցին՝ ասել է «Քաղաքացիական պայմանագիր» խմբակցության պատգամավոր Էդուարդ Աղաջանյանը։
«Երևանի քաղաքապետն ընտրված է կոնկրետ ժամկետներում պաշտոնավարելու տրամաբանությամբ։ Այդ ժամկետը դեռևս չի ավարտվել, և այս պահի դրությամբ որևէ քննարկում չկա՝ առ այն, որ այդ ժամկետներից ավելի վաղ պետք է պաշտոնավարումն ավարտվի։ Դա միայն ու միայն հնարավոր կլինի օրենքով սահմանված ընթացակարգերով՝ ա՝ եթե քաղաքապետն ինքը հրաժարական կտա, երբ ավագանին անվտահություն կհայտնի»,- ասել է Աղաջանյանը։
