Լոռու մարզի՝ Ախթալա քաղաքի, Սուրբ Երրորդություն եկեղեցում կատարվեց պատարագ:
Օրհնությամբ Գուգարաց թեմի առաջնորդ՝ Տեր Հովնան եպիսկոպոս Հակոբյանի, Ախթալայի Սուրբ Մարիամ Աստվածածին վանքում, Ախթալայի և տարածաշրջանի հոգևոր հովվի՝ Տեր Հեթում քահանա Թարվերդյանի, քահանայական ձեռնադրության և օծման 10-ամյակին տեղի ունեցավ հոգևոր համերգ:
Երբ Ախթալայի Սուրբ Աստվածածին եկեղեցին կարելի էր ասել մատնված էր անուշադրության, թվում էր, որ այլևս հույս չկա, ևս մի քանի տարի և ամեն բան պիտի կորսվի։ Տեր Հեթում քահանայի գործունեության շնորհիվ վանքը վերագտավ հույսի ու փրկության ճանապարհը։
Երիտասարդ, ավյունով լի, քահանայի ջանքերի շնորհիվ եկեղեցին լցվեց հավատացյալներով։
Նշենք նաև, որ եկեղեցու գմբեթին տարիներ շարունակ խաչ չի եղել, սակայն Տեր Հեթում քահանայի ջանասիրության և մի շարք բարերարների հովանավորությամբ՝ տեղադրվեց գմբեթի խաչը։
Հոգևոր համերգով ներկայացան՝ Վանաձորի Սուրբ Գրիգոր Նարեկացի եկեղեցու և կամերային երգչախումբը, ելույթ ունեցան նաև՝ Շնող գյուղի պարային համույթի սաները:
Միջոցառմանը ներկա էին հոգևորականներ, տեղի բնակիչներ և զբոսաշրջիկներ։
Հեղինակ՝ Մարինկա Ալեքսանյան
