Ազգային ժողովի նախագահ Արարատ Միրզոյանն այսօր խորհրդարանում հայտարարել է, որ՝ և Շուշիի Ղազանչեցոց եկեղեցու նկատմամբ բարբարոսությունը, և հայ գերիների նկատմամբ վերաբերմունքը, և շաբաթներ առաջ Բաքվում խայտառակ պուրակի բացումը հերթական վկայությունն են նրա, որ Արցախի հայության անվտանգ գոյությունն Ադրբեջանի կազմում անհնար է։
«Եվ աշխարհը պետք է ճանաչի Արցախի հայության ինքնորոշման իրավունքը։ Սա է այն քաղաքականությունը և դիրքորոշումը, որը մենք որպես Հայաստանի Հանրապետություն ունենք, և այստեղ որևէ փոփոխություն չկա։ Պետք է մեր միջազգային գործընկերների հետ այս ուղղությամբ սերտորեն աշխատել»,- ասաց ԱԺ նախագահը։
