Ճանապարհները պետք է լինեն այն երկրների սուվերենության ներքո՝ որոնցով անցնում են․ Արարատ Միրզոյան

Այն, ինչ կա Հայաստան-Ադրբեջան բանակցային սեղանին, բավական հրապարակային ու թափանցիկ է; Այս մասին ԱԺ-կառավարություն հարց ու պատասխանի ժամանակ ասաց արտաքին գործերի նախարար Արարատ Միրզոյանը։ Ըստ նրա՝ մի քանի ուղղություններով արդեն կա որոշակի առաջընթաց։ ԱԳ նախարարի խոսքով սահմանազատման ու սահմանագծման հարցերի ուղղությամբ արդեն որոշակի առաջընթաց կա։

«Տեղյակ եք, որ երեկ փոխվարչապետերն ու նրանց գլխավորած հանձնաժողովները հանդիպել են միմյանց Հայաստան-Ադրբեջան սահմանին։ Առաջին հանդիպումն աշխատանքային և մեթոդական հարցերի վերաբերյալ է եղել։ Եվ կա արդեն պայմանավորվածություն՝ կազմակերպել մյուս հանդիպումը Մոսկվայում։ Մեկ այլ ուղղությունը տրանսպորտային ենթակառուցվածքների բացման մասին է։ Եվ այստեղ ևս որոշակի պատկերացնումներ ու համընկնումներ կան։

Կարող եմ վերահաստատել, որ բոլոր բացվելիք ճանապարհները պետք է լինեն այն երկրների սուվերենության ներքո և օրենսդրություններով, որոնցով անցնում են։ Ես կարող եմ ասել, որ այս առումով լավատես եմ։ Անշուշտ, ավելորդ չեն համարում նշել, որ «Զանգեզուրի միջանցքը» այն տրամաբանությամբ, որով շրջանառվում էր 1-1,5 տարի շարունակ, և որը ադրբեջանական կողմը փորձում է ներկայացնել, մեզ համար այդ տրամաբանությունն անընդունելի է։ Եվ կարծես թե կա համընդհանուր ընկալում, որ այդպես չի լինելու։ Բացվելու են տնտեսական ուղիները, բայց այն մեխանիզմներով ու պարամետրերով, որոնք մեզ համար ընդունելի են»,- նշեց Միրզոյանը։

Թողնել պատասխան

Ձեր էլ-փոստի հասցեն չի հրապարակվելու։

Previous Article

Պետք է առանձնապես չխանգարենք, որ մինչև քոք մաշեն. Նիկոլ Փաշինյան

Next Article

«Ռոման»՝ Կոնֆերենցիաների լիգայի հաղթող

Related Posts
Դիտել

Covid 19. Աշխարհում ավելացել են մահացության դեպքերը

Վերջին մեկ շաբաթում կորոնավիրուսի հետևանքով աշխարհում ավելի քան 60 հազար մարդ է մահացել: Առողջապահության համաշխարհային կազմակերպությունը հայտարարել է,…
Դիտել

Հայաստանի և Վրաստանի ԱԳ նախարարները քննարկվել են տարածաշրջանային անվտանգությանը վերաբերող հարցեր

Մարտի 29-ին աշխատանքային այցով Թբիլիսիում գտնվող Հայաստանի ԱԳ նախարար Արարատ Միրզոյանը հանդիպում է ունեցել Վրաստանի փոխվարչապետ, ԱԳ նախարար…
Total
0
Share