Վրաստանի Նինոծմինդա շրջանում ձերբակալվել են հայր և որդի՝ մարդկանց վաճառք կազմակերպելու փաստով, այս մասին հայտնում է Վրաստանի ՆԳՆ-ն:
Հանցագործությունը նախատեսում է ազատազրկում 12-ից 15 տարի ժամկետով:
Խոստանալով աշխատանքային լավ պայմաններ, նրանք Հայաստանի երեք քաղաքացիների համար 2015-2016 թվականներին պատրաստել են բոլոր անհրաժեշտ փաստաթղթերը Վրաստան տեղափոխվելու նպատակով: Տուժածները տեղափոխվել են Նինոծմինդա շրջան, որտեղ շահագործվել են գյուղատնտեսական ֆերմաներից մեկում: Հայաստանի քաղաքացիները ահաբեկման են ենթարկվել, զրկվել են փաստաթղթերից, երկար տարիներ աշխատավարձ չեն ստացել:
Տուժածները մշտապես տեսախցիկների հսկողության տակ են եղել։
Հանցագործության մասին հայտնի է դարձել, երբ Հայաստանի քաղաքացիներից մեկին հաջողվել է փախչել ֆերմայից: Նա փորձել է հատել Վրաստանի պետական սահմանը, որի ընթացքում նրան ձերբակալել են իրավապահները:
