ԱԺ «Պատիվ ունեմ» խմբակցության ղեկավար Հայկ Մամիջանյանն ԱԺ-ում ելույթ է ունեցել, հայտարարելով, թե ՀՀ վարչապետ Նիկոլ Փաշինյանն Արցախի մասով իր անելիքն ու ասելիքն արդեն արել է։
«Հիմա հերթը մերն է՝ հայ ժողովրդինը։ Փաշինյանին մնացել է անելու 2 տարբերակ. տարբերակ 1՝ ստորագրել այն, ինչ հիմա ինքը բանակցում է, այսինքն՝ ՀՀ մահվան դատավճիռը, տարբերակ 2՝ ստորագրել սեփական հրաժարականի դիմումը»,- նշել է նա։
Մամիջանյանի խոսքով, ՀՀ բնակչության 90 տոկոսից ավելին անհնար է համարում Արցախի հայտնվելն Ադրբեջանի կազմում. «Բանակցային գործընթացում մեկ հարց կա, որտեղ Նիկոլ Փաշինյանը չի խաբում։ Այո, ինքը հիմա բանակցում է երաշխիքների համար, բայց ոչ Արցախի, ինքը բանակցում է իր իշխանության պահպանման ու իր սեփական անվտանգության երաշխիքների մասին»։
