Ռուսաստանը հուսով է, որ Սոչիում Ռուսաստանի Դաշնության, Ադրբեջանի և Հայաստանի ղեկավարների հանդիպմանը հնարավոր կլինի ուրվագծել Բաքվի և Երևանի հարաբերությունների կարգավորման հեռանկարային ուղղությունները։ Այա մասին ՏԱՍՍ-ին հայտնել է ՌԴ փոխարտգործնախարար Անդրեյ Ռուդենկոն։ Նրա խոսքով՝ հանդիպումն, ընդհանուր առմամբ, նպատակաուղղված է նոյեմբերի 9-ին եռակողմ հրադադարի համաձայնագրի ստորագրումից հետո անցած տարվա որոշակի արդյունքների ամփոփմանը։
«Պետք է տեսնել, թե ինչ է արվել և ինչ կարելի է անել խաղաղ գործընթացն առաջ մղելու համար, և, ընդհանուր առմամբ, ինչպես առաջ տանել երկրների միջև հարաբերությունների կարգավորման գործընթացը։ Հուսով ենք, որ այս հանդիպման ժամանակ համաձայնագիրը ստորագրած երեք երկրների ղեկավարները կուրվագծեն այս խոստումնալից ուղղությունները», – ասել է Ռուդենկոն։
