ՀՀ էկոնոմիկայի նախարար Վահան Քերոբյանն անդրադարձել է «Ռոսսելխոզնադզորի» երեկվա հայտարարությանը ,ըստ որի ՌԴ-ն կքննարկի ՀՀ-ից կաթնամթերքի մատակարարումները սահմանափակելու հարցը, քանի որ որոշակի խախտումներ են հայտնաբերվել։
Քերոբյանը հայտարարել է, թե այդ հայտարարության մեջ չկա որևէ քաղաքական ենթատեքստ. «Ամեն ինչ զուտ սննդի անվտանգության բարձր չափանիշներն ապահովելու համար է»,- ասել է նա՝ հավելելով,- «Սանկցիաներ դեռևս չեն կիրառվել, մեր գործընկերների հետ կապի մեջ ենք, հաջորդ շաբաթ էլ հանդիպում ենք ունենալու։ Կարծում եմ՝ կգանք ընդհանուր եզրահանգման»։