Ռուս խաղաղապահներն ապահովել են Արցախում կողմերի սահմանազատման գծում գտնվող գազատարի վնասված հատվածի վերանորոգման և վերականգնման աշխատանքների գործընթացի ամբողջական անվտանգությունը, հայտնում է ՌԴ ՊՆ-ն:
Սակրավորներին հաջողվել է ուսումնասիրել տարածքի վնասված հատվածները և խողովակներում պայթյունավտանգ առարկաների առկայությունը, որից հետո Մարդասիրական արձագանքման կենտրոնի զինծառայողները վերանորոգման ծառայության ներկայացուցիչներին ուղեկցել են վթարի վայր:
Բացի այդ, Մարդասիրական արձագանքման կենտրոնի զինծառայողները կազմակերպել են Արցախ Ռուսաստանի հասարակական կազմակերպությունների, բարեգործական հիմնադրամների հումանիտար օգնության առաքումը, մասնավորապես՝ Ասկերանի շրջանում գտնվող Խնածախ բնակավայր:
