Ռուսաստանի խաղաղապահների ինժեներ-սակրավորական խմբերը շարունակում են ականազերծել Արցախի տարածքը: Ռուս զինծառայողներն աշխատանքներ են իրականացրել Մատաղիս բնակավայրի մատույցներում, ինչպես նաև Մարտակերտ-Մատաղիս մայրուղու երկայնքով պայթունավտանգ առարկաներ որոնելու ուղղությամբ, փոխանցում է ՌԴ ՊՆ-ն:
Այս տարածքում աշխատանքների ընթացքում ռուս սակրավորները վնասազերծել են մոտ 15 պայթունավտանգ առարկա:
Ընդհանուր առմամբ, 2020 թ.-ի նոյեմբերի 23-ից մարդասիրական ականազերծման ստորաբաժանման զինծառայողները չպայթած զինամթերքից մաքրել են 2104 հա տարածք, ավելի քան 650 կիլոմետր ճանապարհ, 1806 շենք, ներառյալ 30 սոցիալական նշանակության օբյեկտ, հայտնաբերվել և վնասազերծվել 25611 պայթունավտանգ առարկա:
Սակրավորների հայտնաբերած պայթյունավտանգ առարկաները հանվում և ոչնչացվում են հատուկ սարքավորված «Բալիջա» զորավարժարանում: