ՀԱՄԱՍ շարժման հետախուզական համակարգի առանցքային անձինք են ոչնչացվել իսրայելական կործանիչների հարձակման ընթացքում պաղեստինյան: Այս մասին Twitter-ի իր էջում հայտնում է իսրայելական բանակը:
«Բանակի և Անվտանգության ընդհանուր ծառայության համատեղ գործողության ընթացքում ոչնչացվել են ՀԱՄԱՍ-ի ռազմական հետախուզական համակարգի առանցքային անձինք», – ասվում է հաղորդագրության մեջ:
Խոսքն արմատական շարժման ռազմական հետախուզության վարչության պետի և հակահետախուզության վարչության պետի մասին է:
Ավելի վաղ ՀԱՄԱՍ-ի «Իզզադդին ալ-Քասամ բրիգադները» մարտական թևն ավելի քան 200 հրթիռ է արձակել Իսրայելի ուղղությամբ:
Երկուշաբթի երեկոյան Գազայի հատվածի սահմաններին սկսվել է վերջին տարիների ամենախոշոր սրացումը: Հաջորդ առավոտյան Պաշտպանության բանակը հայտնել է, որ Գազայի հատվածից ավելի քան 200 հրթիռ է արձակվել դեպի Իսրայել: Իսրայելական զինուժը պատասխանել է՝ խոցելով պաղեստինյան 130 ռազմական թիրախ՝ վերացնելով Գազան վերահսկող ՀԱՄԱՍ խմբավորման մարտական ստորաբաժանումների մոտ 15 անդամի:
