Իրանի արտգործնախարարության պաշտոնական ներկայացուցիչ Նասեր Քանանին Ադրբեջանին կոչ է արել հարգել միմյանց, առաջնորդվել բարիդրացիության սկզբունքներով և հեռու մնալ տարածաշրջանի սիոնիստների ու թշնամիների ցանկություններն ի կատար ածելուց, հայտնում է IRNA գործակալությունը։
Քանանին մեկնաբանել է Բաքվում իրանցի ուսուցիչների և դիվանագետների նկատմամբ Ադրբեջանի Հանրապետության կառավարության հապճեպ, զգացմունքային և ոչ կառուցողական դիրքորոշումները, գործողություններն ու արձագանքները։
«Ադրբեջանի կառավարության նման պահվածքը համարում ենք բարիդրացիության սկզբունքներին խախտում։ Մինչ ճգնաժամն ու քաոսը պատել են պաղեստինյան բոլոր գրավված տարածքները, իսկ սիոնիստական ռեժիմն անկայուն իրավիճակում է, Իսրայելի հետ հարաբերությունների զարգացումը համարում ենք կրոնական պարտավորություն»,- ասել է նա։
Ավելի վաղ Ադրբեջանն անցանկալի անձ էր հայտարարել իրանցի չորս դիվանագետների։ Նրանց հրահանգվել էր 48 ժամվա ընթացքում լքել Ադրբեջանի տարածքը։
