Միացյալ Նահանգները կարծում է, որ իր ազգային անվտանգության շահերը պահանջում են, որ Վաշինգտոնը շարունակի իր շփումները Ռուսաստանի հետ՝ չնայած Ուկրաինայի հարցում ակնհայտ տարաձայնություններին, ուրբաթ ասել է Պետդեպարտամենտի խոսնակ Նեդ Փրայսը։
«Ազգային անվտանգության ոլորտում մենք ունենք առաջնահերթություններ և հրամայականներ: Եվ կան ոլորտներ, որոնցում մեր ազգային անվտանգության առաջնահերթությունների իրականացումը պահանջում է փոխգործակցություն և համակեցություն Ռուսաստանի հետ ինչ-որ մակարդակով: Դրանք չափազանց կարևոր ոլորտներ են»,- հերթական ճեպազրույցի ժամանակ նշել է Փրայսը։
«ՌԻԱ Նովոստի»-ի փոխանցմամբ՝ Պետքարտուղարության պաշտոնական ներկայացուցիչը մեկնաբանելով Ռուսաստանի հետ շփումների հարցը՝ անդրադարձել է նաև ռազմավարական կայունության շուրջ երկխոսությանը։ Ամերիկացի դիվանագետի խոսքով՝ այս պահին Վաշինգտոնը չի նախատեսում Մոսկվայի հետ նման երկխոսության նոր փուլ անցկացնել։
