ԱՄՆ Ներկայացուցիչների պալատի անդամ Ջեքի Սփիերը` մեկնաբանելով հայ–ադրբեջանական սահմանին տեղի ունեցող իրադարձությունները հայտարարել է, որ ԱՄՆ–ը դեմ կլինի Հայաստանի սահմանների փոփոխությանը։ Նա նաև հիշեցրել է, որ ԱՄՆ–ում իրենք բանաձև են առաջ քաշել, որով դատապարտվում են ադրբեջանական գործողությունները։
Հիշեցնենք՝ Սփիերը Հայաստան է ժամանել ԱՄՆ Ներկայացուցիչների պալատի խոսնակ Նենսի Փելոսիի գլխավորած պատվիրակության կազմում, ԱՄՆ Ներկայացուցիչների պալատի էներգետիկ և կոմերցիոն հարցերով հանձնաժողովի նախագահ Ֆրանկ Փալոնեի, ինչպես նաև ներկայացուցիչների պալատի անդամ Աննա Էշուի հետ միասին:
Երկօրյա այցով Հայաստան ժամանած ամերիկացի հյուրերն ընդլայնված կազմով հանդիպում են ունեցել Ազգային ժողովում։ Նախատեսվում է նաև հանդիպում քաղաքացիական հասարակության ներկայացուցիչների և բարձրաստիճան պաշտոնյաների հետ հետ։