«Հայաստան» խմբակցության ղեկավար Սեյրան Օհանյանն այսօր անդրադարձել է դեկտեմբերի 7-ին Ազգային ժողովում տեղի ունեցած ծեծկռտուքին։
Ազգային ժողովում Սեյրան Օհանյանը նշեց, որ դեկտեմբերի 7-ին ԱԺ շենքում տեղի է ունեցել «հերթական խուլիգանությունը»: Պատգամավորի ընդգծեց՝ ԱԺ-ում տեղի ունեցած դեպքը չի մոռացվելու։
«Երեկա Աժ շենքում տեղի է ունեցել հերթական խմբակային խուլիգանությունը՝ Խորհրդարանական պատգամավորների մասնակցությամբ: Միջադեպի ժամանակ իրեն կրավորական է պահել այս շենքում իբր անվտագություն ապահովող ՊՊԾ-ն: Սա եւս մեկ անգամ հուշում է, որ խուլիգանությունը հերթական անգամ եղել է ծրագրավորած եւ այլ շենքից հրահանգված: Եթե իշխող ուժը ուզում է խուլիգանապետություն կառուցել, ապա ճիշտ ճանապարհին են, եթե ուզում են մինչեւ վերջ վարկաբեկել պետական ինստիտուտները, ապա ճիշտ գիծ են ընտրել: Իսկ եթե ուզում են շեղել հանրության ուշադրությունը Սյունիքի միջանցքի թեմայից, գերիների մասին խայտառակ հայտարարություններից, բյուջետային միջոցների մսխման հաշվետվությունից եւ Արցախի թեմայով Հայաստանի ղեկավարությանը Ռուսաստանի ապտակից, ապա դա նրանց չի հաջողվելու: Այս դեպքը չի մոռացվելու: Սպասում ենք իշխանության արձագանքին»,- նշել է Օհանյանը։
