Դեկտեմբերի 9-ին կայացավ գեղանկարիչ, քանդակագործ ՀՀ ժողովրդական նկարիչ «Վահան Թեքեյան» մրցանակակիր Անատոլի Ավետյանի ՝ «Իմ ժամանակի մեծերը» խորագրով ցուցահանդեսը։
Ցուցահանդեսին ներկայացված էին նկարչի շուրջ 30 աշխատանքներ։
Այն բացառիկ ցուցադրություն էր և արվեստասեր հանրությանը ներկայացվեց առաջին անգամ։
Ի դեպ այս տարի նկարիչը նշում է իր 70-ամյակը։
Անատոլի Ավետյանի գործերը պահպանվում են Հայաստանի ազգային պատկերասրահում, Երևանի ժամանակակից արվեստի թանգարանում, Սերգեյ Փարաջանովի թանգարանում, Փարիզի քաղաքապետարանում, Հռոմի Պապի հավաքածուում (Վատիկան) և այլուր:
Ցուցահանդեսին ներկա էին Թեքեյան կենտրոնի ղեկավար Ռուբեն Միրզախանյանը, ՀՀ ԿԳՄՍ նախարար Վահրամ Դումանյանը, Հայաստանի նկարիչների միության նախագահ Սուրեն Սաֆարյանը և ուրիշներ:
Այսօրվա ցուցահանդեսը բացառիկ է իր մշակութային ու կրթական նշանակությամբ։ Նկարիչը հանդես է գալիս 20-րդ դարի հայ մեծերի դիմանկարներով, ովքեր ամենատարբեր ասպարեզներում նշանավորում էին հայի մեծությունը,- ասաց Ռուբեն Միրզախանյանը։
Հայ երաժիշտ Արա Գևորգյանը ՀՊՄՀ Կուլտուրայի ֆակուլտետի կողմից Անատոլի Ավետյանին հանձնեց պատվոգիր։
Ցուցահանդեսն ավարտվեց գինեձոնով։
Հեղինակ՝ Նարե Խանաղյան. ՀՊՄՀ 2-րդ կուրս