Երևանի Կարեն Դեմիրճյանի անվան մարզահամերգային համալիրում շարունակվող ծանրամարտի Եվրոպայի առաջնության մրցումային 6-րդ օրը Հայաստանի ներկայացուցիչ Անդրանիկ Կարապետյանը (89 կգ) փոքր ոսկե մեդալ նվաճեց պոկում վարժությունում:
Անդրանիկը հաջողությամբ գլխավերևում ֆիքսեց նախ 167 կգ-ն, ապա 173 կգ-ն, իսկ երրորդ մոտեցմամբ պոկեց 178 կիլոգրամ ու սահմանեց Եվրոպայի ռեկորդ:
Բուլղարացի Կառլոս Նասարը երկրորդն էր (174 կգ), իսկ Մոլդովայի ներկայացուցիչ Ռոբու Մարինը՝ երրորդը (160 կգ):
Հրում վարժությունում Կարապետյանը բարձրացրեց 196 կգ և երկամարտի 374 կգ արդյունքով դարձավ երկրորդը։
Հրում վարժությունում առաջին տեղը զբաղեցրեց Բուլղարիայի ներկայացուցիչ Կառլոս Նասարը, որը գրանցեց համաշխարհային ռեկորդ՝ 221 կգ։ Երկամարտի 395 կգ արդյունքով Նասարը դարձավ Եվրոպայի չեմպիոն։
