Իտալական «Ինտերն» ու «Միլանը» Չեմպիոնների լիգայի կիսաեզրափակիչի դիմակայության երկրորդ խաղում Միլանի «Ինտերը» հաղթեց 1:0 հաշվով և դուչս եկավ եզրափակիչ։
Սիմոնե Ինձագիի թիմը միլանյան դերբիի առաջին մրցավեճում հաղթել էր 2-0 հաշվով: Այդ խաղում 34-ամյա Մխիթարյանը դարձել էր գոլի հեղինակ և ճանաչվել խաղի լավագույն ֆուտբոլիստ:
«Ինտերը» նախորդ անգամ եզրափակիչում խաղացել էր 2010 թվականին, երբ նվաճել էր ականջավոր գավաթը:
Իտալական գրանդը եզրափակիչում կմրցի Անգլիայի չեմպիոն «Մանչեսթեր Սիթիի» և մրցաշարի գործող գավաթակիր Մադրիդի «Ռեալի» դիմակայության հաղթողի հետ: Այս թիմերն առաջին խաղն ավարտել էին 1-1 հաշվով, պատասխան մրցավեճը տեղի կունենա մայիսի 17-ին Անգլիայում:
Չեմպիոնների լիգայի եզրափակիչը տեղի կունենա հունիսի 10-ին Ստամբուլի Աթաթուրքի անվան Օլիմպիական ստադիոնում: Հենրիխ Մխիթարյանն առաջին հայ ֆուտբոլիստն է, որը կխաղա գլխավոր եվրագավաթի եզրափակիչում: