Ամերիկյան հետախուզության նախնական գնահատականներով՝ ավիավթարի պատճառը, որում ինչպես հաղորդվում է, մահացել է «Վագների» ղեկավար Եվգենի Պրիգոժինը, դիտավորյալ պայթյունն է եղել, գրում է Euronews-ը հղում անելով ԱՄՆ անանուն պաշտոնյաներին։
ԱՄՆ-ի և արևմտյան պաշտոնյաներից մեկը, որը խոսել է նախնական գնահատականի մասին, հայտարարել է, որ Պրիգոժինը, շատ հավանական է, հարձակման անմիջական թիրախն է եղել, և որ ավիավթարը համահունչ է Վլադիմիր Պուտինի՝ իր քննադատներին լռեցնելու փորձերի երկար պատմությանը: Չնայած Պուտինը վարձկանների առաջնորդին հինգշաբթի անվանեց «տաղանդավոր մարդ», կասկածներ կան, որ Պրիգոժինի մահվան հետևում կանգնած է ՌԴ նախագահը։