Այսօր նախատեսված Երեւան-Կապան-Երեւան չվերթը չի կայացել եղանակային պայմանների պատճառով: Այս մասին «Հետքը» տեղեկացավ ՀՀ քաղավիացիայի կոմիտեից:
«ՆովԷյր» ավիաընկերության «L-410» օդանավը Երեւանից պետք է Կապան մեկներ առավոտյան 8:00-ին, իսկ Կապան-Երեւան թռիչքից հետո վայրէջքը «Զվարթնոցում» նախատեսված էր 11:00-ին: Սակայն երկու թռիչքներն էլ չեղյալ են հայտարարվել։ Ըստ ՀՀ քաղաքացիական ավիացիայի կոմիտեի՝ երթուղու մի հատվածում եղանակային ոչ բարենպաստ պայմաններ են եղել:
Հիշեցնենք` ՀՀ մայրաքաղաքից դեպի Սյունիքի մարզ կանոնավոր չվերթերի մեկնարկը տրվել է օգոստոսի 21-ից։ Չվերթերն իրականացվում են L-410–UVP E20 տիպի 19–տեղանոց օդանավով։
Կանոնավոր թռիչքներն իրականացվելու են շաբաթական երկու անգամ` երկուշաբթի և ուրբաթ օրերին։ Երևանից թռիչքն առավոտյան 8։00-ին է, Կապանից` 10։00-ին։ Մի ուղղությամբ տոմսի արժեքը` սկսած 20.000 ՀՀ դրամից։
