Իտալիայի փոխչեմպիոն «Ինտերը» մայիսի 10-ին Չեմպիոնների լիգայի կիսաեզրափակիչի երկրորդ դիմակայության առաջին խաղում 2-0 հաշվով հաղթեց «Միլանին»:
Խաղի հաշիվը 8-րդ րոպեին անկյունայինի խաղարկումից հետո բացեց «Ինտերի» բոսնիացի հարձակվող Էդին Ջեկոն՝ գրավելով իտալական գրանդի դարպասը։
Սիմոնե Ինձագիի գլխավորած թիմի երկրորդ գոլի հեղինակ է դարձել Հայաստանի հավաքականի նախկին ավագ Հենրիխ Մխիթարյանը։
34-ամյա կիսապաշտպանը Չեմպիոնների լիգայի կիսաեզրափակիչում գոլ խփած առաջին հայ ֆուտբոլիստն է: Մխիթարյանն ԱՊՀ երկրների երրորդ ֆուտբոլիստն է, որը գոլ խփեց գլխավոր եվրագավաթի կիսաեզրափակիչում: Նախկինում նման հաջողության հասել էին ուկրաինացիներ Վիտալի Կոսովսկին և Անդրեյ Շևչենկոն:
Դիմակայության պատասխան հանդիպումը տեղի կունենա մայիսի 16-ին:
Հիշեցնենք, որ մայիսի 9-ին կիսաեզրափակիչի առաջին դիմակայության առաջին խաղում մրցաշարի գործող գավաթակիր Մադրիդի «Ռեալն» ու Անգլիայի չեմպիոն «Մանչեսթեր Սիթին» խաղացել էին ոչ ոքի՝ 1-1։