Խաղաղապահ զորախմբի ռուս զինվորականներն ապահովել են Արցախի Ասկերանի շրջանի բնակիչների անվտանգությունը` կողմերի սահմանազատման գծի մոտակայքում հացահատիկային մշակաբույսերի հավաքման ժամանակ, հայտնում է ՌԴ ՊՆ-ն:
«Այսօրվա նպատակը բերքահավաքի անվտանգության ապահովումն է: Հավաքման աշխատանքներն իրականացվում են Ասկերանի շրջանում և կիրականացվեն մեկ շաբաթվա ընթացքում: Այդ աշխատանքներն իրականացվում են սահմանազատման գծի մոտակայքում, ուստի մեր ներկայությունն անհրաժեշտէ», -ասել է ռուսական խաղաղապահ զորախմբի ներկայացուցիչ Իգոր Սերգեևը:
Արցախի հեռավոր շրջաններում ցորենի բերքահավաքը սկսվել է ուշացումով, այն բանից հետո, երբ ռուս սակրավորները մաքրել են գյուղատնտեսական նշանակության հողերը պայթյունավտանգ առարկաներից և չպայթած զինամթերքից:
Ասկերանի շրջանի դաշտերի բերքահավաքով Արցախում ցորենի բերքը գրեթե կավարտվի, սակայն տեղի բնակիչներն արդեն դիմում են Մարդասիրական արձագանքման կենտրոնին, որպեսզի ցանքի աշխատանքները չխաթարվեն:
