Արցախի պաշտպանության բանակը պարզաբանում է տարածել կապված «Արցախի պահեստազորի սպաների միություն» ՀԿ ահազանգի հետ:
«ՊԱՐԶԱԲԱՆՈՒՄ.
«Արցախի պահեստազորի սպաների միություն» ՀԿ կողմից զինվորական թոշակների վերաբերյալ ֆեյսբուքում արված հրապարակման առիթով անհրաժեշտ ենք համարում նշել հետևյալը. Նման խնդիր իրոք առկա է ,սակայն դրա լուծումը դուրս է ՊԲ տիրույթից: Համապատասխան հայտերը սահմանված ժամկետներում ՊԲ կողմից ներկայացվել են կենսաթոշակների հատկացումը ապահովող ստորաբաժանումներ : Խնդիրը գտնվում է ՊԲ հրամանատարության ամենօրյա ուշադրության կենտրոնում և ինչպես խոստացվել է կլուծվի ամենասեղմ ժամկետներում: Ինչ վերաբերվում է ՊԲ ֆինանսական բաժնի պետի անձնական կյանքի վերաբերյալ «տեղեկություններին» ու անհարկի որակումներին , փաստում ենք , որ վերջին անգամ ԱՄՆ-ում եղել է 2019թ.-ին»,- նշված է ԱՀ պաշտպանության բանակի տարածած հայտարարությունում:
Հիշեցնենք, որ այսօր «Արցախի պահեստազորի սպաների միություն» ՀԿ-ն հայտարարություն էր տարածել, ըստ որի Արցախի պաշտպանության նախարարության պաշտոնյաների անգործության հետևանքով պահեստազորի սպաները մինչ այսօր չեն ստացել իրենց հասանելիք թոշակները: Պահեստազորի սպաները պահաջում են հետաքննել և հանրությանը ներկայացնել թե երկար տարիներ ֆինանսական բաժինը ղեկավարած Կարեն Գրիգորյանը ի՞նչ փողերով է տարին երկու անգամ հանգստանում է Ամերիկայում։
