Հոկտեմբերի 17-ին Բյուրականի աստղադիտարանը հյուրընկալել էր Հայաստանում կայացած Extraordinary Travel Festival-ի մասնակիցներին։ Աշխարհի 28 ճամփորդասեր, որոնցից շատերն արդեն հասցրել են լինել 100-ից ավելի երկրներում, եկել էին բացահայտելու ՀՀ Ազգային արժեք հանդիսացող աստղադիտարանը։
Այցի շրջանակներում ճանապարհորդները հանդիպեցին ԲԱ տնօրեն Արեգ Միքայելյանի հետ, այնուհետև այցելեցին 1մ հայելու տրամագծով Շմիդտի և 2,6մ հայելու տրամագծով աստղադիտակներ։
Այցելուներին ներկայացվեցին ԲԱ պատմության հետաքրքրաշարժ մասնավորապես, թե ինչպես է Վիկտոր Համբարձումյանին հաջողվել Հայաստանում տեղադրել 2․6մ աստղադիտակը, որը, ըստ այն ժամանակ գործող ԽՍՀՄ-ում սահմանված կարգի, չպետք է տեղադրվեր ՌԽՖՍՀ-ից դուրս, թե ինչպես է Բյուրականում հայտնվել Ադոլֆ Հիտլերի կողմից Բենիտո Մուսոլինիին նվիրած աստղադիտակը, թե ինչպես է Բենիամին Մարգարյանին հաջողվել իրականացնել մի շրջահայություն, որը հետագայում հայտնվեց ՅՈՒՆԵՍԿՕ-ի ցանկերում, թե որքան պաշտոնական կարգավիճակներ է կրում ԲԱ-ն, թե ինչպես է ԲԱ-ն ստեղծել նոր տարածաշրջան և թե ինչպես է հնարավոր գոյատևել ներկայիս միջազգային խիստ մրցակցության պայմաններում։