Ուզբեկստանի մայրաքաղաք Տաշքենդում ընթացող բռնցքամարտի աշխարհի առաջնությունում Հայաստանի հավաքականն ապահովեց երկրորդ մեդալը: 92 կգ քաշայինների քառորդ եզրափակչում Հայաստանի ներկայացուցիչ, Եվրոպայի առաջնության բրոնզե մեդալակիր Նարեկ Մանասյանը մենամարտել է իսպանացի Էմանուել Ռեյեսի հետ և 4-0 հաշվով կամային հաղթանակ տարել:
Հայաստանի ներկայացուցիչը պայքարը սկսել էր 1/16 եզրափակիչից, որտեղ հաղթել էր Կոնգոյի Դեմոկրատական Հանրապետությունը ներկայացնող Մբանգի Մուկիենային: 1/8 եզրափակիչում Մանասյանը 5-0 հաշվով հաղթել էր իրանցի Պուրիա Ամիրիին: