Վարչապետ Նիկոլ Փաշինյանն այսօր հրավիրած առցանց ասուլիսում պատասխանել է հարցին, թե ինչի՞ դիմաց են Ադրբեջանին վերադարձվել մի քանի օր առաջ ՀՀ տարածքում գերեվարված ադրբեջանցի երկու զինծառայողները։
«Մենք վերադարձրել ենք առանց նախապայմանների և որևէ բանի դիմաց չենք վերադարձրել։ Ինչո՞ւ, որովհետև մենք չենք ուզում տպավորություն ստեղծել, թե մենք մարդկանց սակարկություններով ենք զբաղված։ Մենք մեր դիրքորոշմամբ ի ցույց ենք դրել մեր լիարժեք հավատարմությունը միջազգային նորմերին և կանոններին»,- ասաց Փաշինյանը։