Անհայտ անձանց հաջողվել է ներխուժել Բավարիայի Մանհինգ քաղաքի կելտահռոմեական թանգարան և այնտեղից գողանալ ամենաթանկ ցուցանմուշը՝ 483 ոսկեդրամ, որոնց արժեքը գնահատվում է միլիոնավոր եվրոներ։ Երեքշաբթի օրը՝ նոյեմբերի 22-ին, այդ մասին հայտնել է Բավարիայի քրեական գործերի գրասենյակի ներկայացուցիչը։
Ոստիկանության տվյալներով՝ սա 20-րդ դարում հայտնաբերված կելտական ծագման ամենամեծ ոսկե գանձն է։ Մոտ 4 կգ ընդհանուր քաշով մետաղադրամները հայտնաբերվել են 1999 թվականին, այսպես կոչված, «Manching oppida»-ի՝ Հռոմեական կայսրության ժամանակաշրջանի կելտական ամրացված քաղաքի պեղումների ժամանակ։
