Ռուսաստանը ներկայացնող հայ թենիսիստ, աշխարհի 20-րդ ռակետ Կարեն Խաչանովը Մելբուրնում ընթացող «Մեծ սաղավարտի» տարվա առաջին մրցաշար Ավստրալիայի բաց առաջնության քառորդ եզրափակիչում հաղթել է ԱՄՆ-ի ներկայացուցիչ Սեբաստիան Կորդային (31) ու դուրս եկել կիսաեզրափակիչ:
22-ամյա Կորդան դաստակի վնասվածքի պատճառով երրորդ սեթում հրաժարվել է շարունակել հանդիպումը: Այդ պահին Խաչանովը հաղթում էր 7:6 (7:5), 6:3, 3:0 հաշվով:
Կիսաեզրափակիչում 26-ամյա թենիսիստը կհանդիպի Ստեֆանոս Ցիցիպաս (Հունաստան) — Իրժե Լեգեչկա (Չեխիա) զույգի հաղթողին:
