Դեռևս վերջնական որոշում չկա` խաղաղության պայմանագրո՞վ է ԼՂ հիմնահարցը՝ այսպես ասենք լուծվելու, թե փորձ կատարելու լուծելու, թե մենք առանձին միջազգային մեխանիզմ ենք ստեղծելու։ Այս մասին լրագրողների հետ զրույցում ասել է ԱԽ քարտուղար Արմեն Գրիգորյանը։
«Գիտեք, որ իմ և Ադրբեջանի նախագահի օգնականի միջև վաշինգթոնյան հանդիպումից հետո, որը կազմակերպել էի Ջեք Սալիվանը, համաձայնություն կար ստեղծել միջազգային մեխանիզմ, որպեսզի ԼՂ-ն և Ադրբեջանը քննարկեն ԼՂ հայերի իրավունքները և անվտանգությունը, մինչև այս պահը այդ մեխանիզմի մասին հստակություն չկա, նաև հստակություն չկա՝ խաղաղության պայմանագրո՞վ ենք դա անելու, թե՞ խաղաղության պայմանագրից դուրս»,-նշել է Արմեն Գրիգորյանը;
Ըստ ԱԽ քարտուղարի՝ Երևանը կողմ է անվտանգության երաշխիքների ստեղծմանը։
«Երևանը կողմ է, որպեսզի մեխանիզմ ստեղծվի, քննարկում տեղի ունենա ԼՂ և Ադրբեջանի միջև՝ իրավունքների և անվտանգության վերաբերյալ դա կարող է ֆիքսվել խաղաղության պայմանագրով, կարող է ֆիքսվել միջազգային այլ մեխանիզմով»,- նշել է Գրիգորյանը։