ԵՊՀ հոգաբարձուների խորհրդի փակ նիստում ԵՊՀ ռեկտոր է ընտրվել Հովհաննես Հովհաննիսյանը: Նրա օգտին կողմ է քվերակել ԵՊՀ հոգաբարձուների խորհրդի 19 անդամ, դեմ 5: Հովհաննիսյանը ԵՊՀ ռեկտորի պաշտոնը ստանձնել է 5 տարի ժամկետով: Նա մի քանի ամիս եղել է ԵՊՀ ռեկտորի պաշտոնակատար:
«Շատ բաներ փոխվեցին, և ես գտա անհրաժեշտությունը, որ պետք է գամ ԵՊՀ։ Կարծում եմ՝ այս 4 ամսվա ընթացքում ես ապացուցել եմ հօգուտ ԵՊՀ-ի, պրոֆեսորադասախոսական անձնակազմի և ուսանողության, որ իմ այստեղ լինելը բավականին բարձրացնելու է ԵՊՀ-ի վարկը և հեղինակությունը։ Եվ այդ մասին են վկայում տարբեր աշխատակիցներ»,- լրագրողներին ասել է Հովհաննես Հովհաննիսյանը։
