Ֆուտբոլի Եվրոպայի առաջնության փլեյ-օֆֆի շրջանակում այսօրվա առաջին խաղում միմյանց հետ մրցեցին Իսպանիան եւ Խորվաթիան։
Հանդիպման հիմնական ժամանակն ավարտվեց ոչ ոքի՝ 3:3։ Մինչեւ 84-րդ րոպեն խորվաթները պարտվում էին 1:3 հաշվով, սակայն մինչեւ մրցավարի եզրափակիչ սուլիչը կարողացան երկու գոլ խփել եւ խաղը տեղափոխել լրացուցիչ ժամանակ։
Լրացուցիչ ժամանակում ավելի արդյունավետ խաղացին Եվրոպայի եռակի չեմպիոնները։ Իսպանացիները կարողացան խփել եւս երկու գոլ խփել եւ ավարտել հանդիպումը 5:3 հաշվով։ Իսպանիայի ընտրանին դուրս եկավ Եվրո 2020-ի քառորդ եզրափակիչ։
Քառորդ եզրափակիչի ուղեգրի համար այսօր կմրցեն նաեւ Ֆրանսիան ու Շվեյցարիան։ Այս զույգի հաղթողը քառորդ եզրափակչում կմրցի Իսպանիայի ընտրանու հետ։
