Երևանում այսօր և փետրվարի 24-ի ցերեկը, 25-28-ը սպասվում է առանց տեղումների եղանակ։
Փետրվարի 23-ի երեկոյան ժամերին, 24-ի գիշերը սպասվում են տեղումներ, քաղաքի բարձրադիր հատվածներում՝ թաց ձյան տեսքով:
Փետրվարի 23-ին, 24-ին սպասվում է քամու ուժգնացում 12-15մ/վ:
Մարզերում այսօր և փետրվարի 24-ի ցերեկն առանձին շրջաններում, 24-ի գիշերը շրջանների զգալի մասում սպասվում են տեղումներ, Արարատյան դաշտում՝ ձնախառն անձրևի տեսքով։
Փետրվարի 25-28-ը սպասվում է առանց տեղումների եղանակ: Քամին՝ հյուսիսարևմտյան 3-5մ/վ, փետրվարի 23-ին, 24-ին սպասվում է քամու ուժգնացում 16-20մ/վ:
Օդի ջերմաստիճանը փետրվարի 24-ին կնվազի 4-6, Լոռիում, Տավուշում, Սյունիքում և Արցախում՝ 8-10 աստիճանով, փետրվարի 25-28-ն աստիճանաբար նույնքան կբարձրանա:
Արցախում այսօր սպասվում է առանց տեղումների եղանակ, վաղը՝ ձյուն։