Էկոնոմիկայի նախարարությունն առաջարկում է թուրքական ապրանքների ներկրման արգելքի ժամկետը երկարաձգել: Կառավարության նիստից հետո լրագրողների հետ զրույցում ասել է էկոնոմիկայի նախարար Վահան Քերոբյանը։ Նախագիծն արդեն ներկայացվել է կառավարության հաստատմանը։
«Այն տնտեսական արդյունքները, որոնք այսօր ունենք կամ սպասումները, որոնք ունենք, մեզ թույլ են տալիս գնահատական տալ, որ մենք ճիշտ ենք անում։ Եվ ես կարող եմ ասել, որ ընդհանուր առմամբ Թուրքիայի հետ հարաբերությունները տեսնում ենք ճիշտ նախագծված և սիմետրիկ։ Չենք դիտարկում, որ միակողմանի պետք է լինեն հարաբերությունները։ Այսինքն՝ այն ապագա խոսակցությունը, եթե դրանք լինեն ապաշրջափակման, շուկաների վերաբացման վերաբերյալ, պետք է շատ մանրամասն քննարկվեն։ Եվ դա պետք է լինի երկկողմանի գործողություն, ոչ թե մենք հիմա անենք միակողմանի գործողություն, բացենք սահմանը, հետո սպասենք»,- նշել է նախարարը։