Լոնդոնի «Չելսի» ֆուտբոլային ակումբը հեռացրել է գլխավոր մարզիչ Թոմաս Տուխելին: Այս մասին հայտնում է ակումբի մամուլի ծառայությունը: Որոշման պատճառը Չեմպիոնների լիգայի խմբային փուլի առաջին տուրում «Չելսիի» կրած պարտությունն է Զագրեբի «Դինամոյից»:
Գերմանացի 49-ամյա Թոմաս Տուխելը Լոնդոնի «Չելսիի» գլխավոր մարզչի պաշտոնը զբաղեցնում էր 2021 թվականից: Նրա ղեկավարությամբ «Չելսին» դարձել է Չեմպիոնների լիգայի գավաթակիր, ՈւԵՖԱ-ի սուպերգավաթակիր և աշխարհի ակումբային առաջնության հաղթող:
Անգլիայի Պրեմիեր լիգայում «Ազնվականները» 6-րդ հորիզոնականում են։ Թիմը 6 տուրերից հետո 3 հաղթանակ է տարել, պարտվել 2 անգամ և 1 խաղ ավարտել ոչ-ոքի։
