ՀՀ-ում ԵՄ դեսպան Անդրեա Վիկտորինն այսօր հայտարարել է, թե ԼՂ բնակչության իրավունքներն ու անվտանգությունը պետք է ապահովվի։
«Սա մի քանի անգամ ընդգծվել է, քննարկման առարկա է Ստեփանակերտի և պաշտոնական Բաքվի միջև, և ընդգծվել է ոչ միայն այս հանդիպման ընթացքում, նշվել նախագահ Միշելի հաղորդագրության մեջ, որ ԼՂ հայ բնակչության իրավունքներն ու անվտանգությունը պետք է երաշխավորվի։ Կարծում եմ, սա նույնպես ենթադրում է առաջիկայում լրացուցիչ քայլեր։ Կա ընկալում, որ միջազգային մեխանիզմ է պետք։ Մենք պետք է աշխատենք այն ձևավորելու ուղղությամբ և բոլոր կողմերի հետ համաձայնեցնենք։ Հետևաբար, աշխատանք կա անելու»,- ասել է նա։
